.
ممكن يجماعة انا نطرح قضية وناقشها لحل مشاكل المنتدي وكيف نشط المنتدي وجلب اكبر عدد من الاعضاء زي محنا شيفين انو المنتدي في الفترة الاخيرة فش فيه اي مشاركات فعالة والعندو قتراح يحكيه
مشكور على الطرح جوكر جلب الاعضاء مو سهل كتير..يعني كل عضو هون ممكن يعمل دعاية بطريقته الخاصة.. والمشكلة مو انه نجيب اعضاء..المشكلة كيف نحافظ عليهم؟
بعتئد انو هيدي هيا المشكله الاساسيه يلي بيعاني منها حاليا مشكله الاعضاء وكيف بنحافظ عليهن بس متل ماحكيت حنين هلا مشكلتنا كيف بنحافظ ع الاعضاء يلي متواجدين عنا بعتئد انو ناحفظ ع الاعضاء مسؤليه كبيره وبدها جهد اكتر من جلب الزوار واعضاء جدد لانو ممكن نجلب اعضاء عادي سواء بالقروب او بعمل اعلانات بس انو نحافظ عليهن وخاصه بتشابه الموضوعات بجميع المنتديات يعني ماعنا شي مميز ومختلف عن المنتديات التانيه لحتى يجزبهن يعني مهمتنا هلا انو نافس المنتديات التاني ونعمل شغلات ممتعه ومفيده بتحافظ ع الاعضاء وبنفس الوئت بتجزب اعضاء تانين بصراحه حاسه انو نائصنا الجو الاسري هوونا لو حس بهاد الاحساس اي عضو انو مش مجرد منتدا لموضوعات ولردود وحس بالترابط وئرب الاعضاء بينات بعض اكيد بيظل وبيحاول هوا كمان ينتج شي مميز للمنتدا
كلام الكل صحيح بس انا بوجه نظري الاعضاء لما تفوت علي اي منتدي اول شي بيجذبها بالمنتدي هو الاستايل بتاع المنتدي لانو ازا كان الاستايل حلو و بيجذب الاعضاء و الزوار فهادا ليه تاثير ايجابي اما ازا كان الاستايل مو حلو فهادا ليه تاثير سلبي و متل ما انتو شايفين الاستايل الموجود هلا مو حلو منشان هيك الاعضاء يلي بتفوت بتطلع و ما بيكون ليها تواجد رسمي و كمان هيك الزوار ما بيسجلو بالمنتدي و كمان بالنسبة ليا انا كعضو قديم لما بفوت للمنتدي ما بطول فيه لانو الاستايل مو حلو منشان هيك بمل و كمان باقي الاعضاء متل حكايتي فانا بقترح تغير الاستايل و باسرع وقت ........ و اما بالنسبة لكلام مس افريل انو الجو الاسري مو موجود بالمنتدي بضعلها نقطة بصالحها .. لانو متل ما انتو شايفين بالفترة الاخيرة صار شوية مشاكل و الادارة ما كانت تسيطر عليها مية بالمية او بالمعني كان في اعضاء بالادارة بتحاول تخلق جو من المشاكل و الخلافات منشان تحاول التفرقة بين الاعضاء لانو الكل بيعرف قبل فترة قصيرة كان الكل مترابط و الكل بحب بعض
بس اجت فترة غيرت كل المحبة بين الاعضاء و كل شي بالمنتدي انتهي فانا بحكي انو الادارة تعمل تغيير للاستايل و كمان تبعت رسائل خاصة عالايميلات للاعضاء القدم و تشوف مشكلتهم و ليه ما بيفوتو للمنتدي او تراسلهم عالايميل مراسلة فورية و يدا بيد لنهوض المنتدي تحياتي ليكم و بتمني انو تكون وجه نظري مفيدة للمنتدي
عندي إقتراح لجلب أكبر عدد من الزوار انو نخصص قسم (اللغة الانجليزية ) وقسم ( بنك المعلومات ) وانا كفيل أهتم فيهن من ناحية المواضيع والمشاكل والحلول اما بالنسبة لأعضاء بصراحة وبدون زعـل انا شايف تقصير من المشرفين بالردود يعني حاول جامل فيه شجعه يا أخي أتغزل فيه بكلمتين زريفات شو مشكور ويعطيك العافية او سملت أو يسلمو انا هذا بنظري إحباط للعضو لانو متعود على هيك ردود من المنتديات تانيه
انا بعتقد انوو هل الفترة بالذات قليلة النشاط لان الامتحانات قربت عند الكل و الكل عم يدرس و يستعدلها لا ان شا الله ارابيسك ترجع متل ما قال فارس لاني اول ما سجلت بهل المنتدى كان شي و هلاء تغير لشي تاني بظن انوو الخلافات كانت اكبر الاسباب بنعتقد بنحسن نجذب الاعضاء الجدد عن طريق طرح افكار جديدة و مواضيع جديدة تكون مختلفة عن باقي المنتديات و تلاقي هل الافكار تجاوب ايجابي كبير من الاعضاء الحاليين لتشجع الاعضاء الجديدة و الزوار و لما بيسجل عضوو جديد نرحب فيه بشكل ممتاز و ما نكتفي ببعض الكلمات فض عتب يعني و لما بحط موضوع لازم تكون الردود مناسبة و قوية و مشجعة الوو و في شغلة اخيرة رجعولنا الشات كمان شكرا
ازا بتسمحولي حابه علئ ع الردود اولا بالنسبه لمسيو فارس حكاية الستايل بنعرف انو الكل مانو حابه وان ممل وانا كمان مانو عاجبني بس هاد شغلة الاستاز بيوس وان شاء الله بيحلنا ياها بائرب فرصه وبتمنى من جوكر يرجع يحاكيه بخصوص الستايل والشاتنق كمان وبالنسبه لحكاية المشاكل يلي عم تحكي عنها هيدي شغلات ئديمه كتير صرلها زمان واتحلت السبب الرئيسي هو تشتت الاعضاء وعدم استمراريتهن لانو مافي شي جديد عم نئدمو الهن هاد غير انو كترت الموضوعات المنقوله عم تسبب الملل لاعضاء فابيبطلو يردو ع موضوعات الشغله كلها ملل بملل لهيك الكل بيفوت شوي وبيخرج نفس الروتين كل يوم اكيد مابيستمرو وبالنسبه لاقتراحك انو نراسل الاعضاء الئديمه اكيد راح نراسلهن وبعتئد ئبل جوكر بعت اميلات عن طريئ القروب بس رااح نرجع تاني نراسلهن
بالنسبه لسجين هيدي اقسام كتير حلوه وانا بحب الانجليزي لانو تخصصي بس مابعتئد انو انشاء اقسام جديده بهاد الوئت بيحل الموضوع لانو راح تفشل ومابتلائي نجاح نحنا مابدنا زائر يفوت لياخد غرض ويمشي بدنا نحافظ ع الاعضاء يلي متواجدين عنا وبحكم انو ئليل المتواجدين عنا مابعتئد بيلائي اهتمام لانو جميع الاقسام بشكل عام نايمه ممكن نفكر بهيك اقتراح لو كان عنا عدد كبير من الاعضا بس نحنا هلا كل يلي عنا بيتراوحو مابين 10 و15 عضو يلي بيفوتو فمابعتئد انو انشاء اقسام بهيدي الفترة بزات لصالحنا بالنسبه لتقصير فعلا انا معك كلياتنا مئصرين كتير وصار الواحد فينا ماعنو الايسلمو ثانكس بس المهم رد وخلص مافكر ع الائليله انو لو ماعجبو الموضوع نئدر تعبو للعضو يلي بحس وعمل موضوع ونسقو ردود كتير بارده ومختصره وكتير فورمل بتعمل تحطيم اكيد للعضو وان شاء الله بنحاول من هالحظه نتغير ونحفز اي عضو ونبعد عن هيدي المفردات البارده ملاحزه كتير مهمه من حظرتك بشكرك عليها كتير
بالنسبه لراين متل ماحكيت لفارس نحنا ماوجهنا الحمدلله اي خلافات وكل يلي بتحكو عنها ئديمه يلي سبب تشتت الاعضا وعدم استمراريتهن انو اخدنا فتره طويله نعاني من بطئ تصفح المنتدا وانو بيعلئ لفترات طويله وكمان بيتسكر لهيك زهئو وبطلو يفوتو متل زمان وبالنسبه للافكار في افكار موجوده بس يلي موئفنا ستايل المنتدا ولاعضاء موكتير بيتواجدو طبعا بنرحب بوجهات نظركن وازا عنكم افكار جديده وحابين نفزها فيكو تحكو انتو الخير والبركه وتفاعلكن واقتراحاتكن محل اهتمامنا بالدرجه الاولى وحكايه الردود متل ماحكيت للاخ سجين ان شاء الله بنحاول نبزل اقصى جهدنا لنتغير وهاد واجب علينا وبصراحه اكتر واحد مئصرين معو بالردود هو انتا مع انو بتابع موضوعاتك لهيك انا شخصيا خجلانه من حظرتك انتا مكسب كبير النا واعزرنا ع تئصيرنا معك كلمة مميز ئليه بحئك بس متل ماحكيت ان شاء الله الكل يتفاعل ويتغير وانا اولهن
